Tobanaan Qof oo Dhimasho iyo Dhaawac ku Noqday Weerar Kooxo Hubaysan ka Geysteen Hayti
Waxa loogu yeero Qaramada Midoobay ayaa sheegtay, in ugu yaraan 47 qof lagu dilay, halka 22 kalena lagu dhaawacay weerar ay koox hubaysan habeenkii xalay ka geysatay xaafad ku taalla meel ku dhow caasimadda dalkaas ee Port-au-Prince. Weerarka ayaa caro ka dhex dhaliyay dadka deegaanka, kuwaas oo ka cabanaya, in aan laga ilaalin weerarrada dhiigga badan ee soo noqnoqday.
Masuul gudoomiye ka ah deegaanka la weeraray ayaa warbaahinta u sheegay, in xubno ka tirsan waxa uu ugu yeeray kooxaha burcadda ay weerareen xero ay ku nool yihiin dadka barakacayaal ah oo ku dhex taalla kaniisad, halkaas oo ay ku dileen ama ku dhaawaceen Tobannaan qof, halka tiro kalena ay afduubteen.
Dowladda Heyti ayaa cambaareysay weerarkan, iyadoo ballanqaadday inay xoojin doonto amniga. Hase yeeshee, dadka deegaanka ayaa dalbaday, in uu xilka iska casilo taliyaha booliska deegaanka la weeraray, iyagoo sheegay, in ciidamada boolisku ay ku guuldarreysteen, inay ilaaliyaan dad lagu dilay meel u dhow xarunta booliska.
Kooxo burcad ah oo awood badan islamarkaana ku mideysan isbahaysi ballaaran, ayaa sannado badan sii xoojinayay awooddooda ay ku leeyihiin caasimadda Heyti, waxayna ballaariyeen gacan-ku-hayntooda ilaa deegaannada ku xeeran. Arrintan ayaa dhacaysa, iyadoo dalal shisheeye ay isku dayayaan, inay xoojiyaan ciidamada booliska Haiti, kuwaas oo wajahaya hub yari iyo awood xaddidan.
